يا شيخ يا حزين

-

 أصلك منين، يا شيخ يا حزين 

وإبنك راهو فين، يا شيخ يا حزين

تركت الصح، وجريت مور الفاني
نسيت إبنك، وخليتو وحدو يعاني
صغرك وين؟ وزادو واش؟
وحصادو فين؟ ياحزين
كان يا مكان، في قديم الزمان
والدنيا زاهيا، وأيامها بالألوان
تزهى وتلعب، وتدير ما تحب
صغير ما تحير، وما تخمم فالغير
الطريق للعشرين كثار السنين
كلما نصحوك، تقول راني عاد صغير
كان يا مكان، في عمر الزهور
واش غرست، واش ٱنثرت من بذور
كان يا مكان، كي شفت البنات
واش خيرت، زوجة للممات
الوجه جميل، والشعر بلا شيب
والقلب زاهي، ما يخمم فالغيب
تسابق لوقات، لا ذكر لا صلاة
تاخذ لحقوق، وتارك الواجبات
عايش لحياة، وتقطف فالسنين
في شباب العمر، تهرب من الهموم
شاري وقاتك، من ولادك بالهدايا
دايما غايب، بعيد على المسؤولية
كان يا مكان، في دوامة لحياة
الزهو والجري وراء الأمنيات
تطيح وتنوض، تفشل وتحير
ما خذيت عبرة من تجارب الغير
تحكم وتخيب، تمرض وتطيب
ما حمدت الله، ما رجعت للسجود
الدنيا غدارة وكلها لاهي بحياتو
يا ويح الي خانتو صحتو
قبرك وين؟ وفراشو واش؟
وزاد الآخرة ذكر وصلاة
بداو العثرات، شيب وتجاعيد
وضريبة لحياة، أمراض وأزمات
لعبة لحياة، غير خذ وهات
كملت لحياة، بقاو غير الذكريات
أصلك منين يا شيخ يا حزين؟
وإبنك راهو فين يا شيخ يا حزين

بقلمي ذكريات

تعليقات

إرسال تعليق

المشاركات الشائعة من هذه المدونة

و قالو عني عانس

-
وحدتي علمتني أن أقف في الشرفات أحلم بيوم أخرج فيه للطرقات أحتضن الحياة و أصنع أحلى الذكريات ويكون لي رفيق مثل كل البنات فمن هم في مثل سني قد صاروا أمهات غيرتي علمتني أن أراقب الأخريات هاذي تشكي و أخرى تروي أحلى المغامرات و يوما ، إنتابتني لحضة غضب وأنا أنصت وأنصت تغربت عن نفسي وإنفصلت عن ذاتي و تمردت أفكاري وصرت عدوة من حولي لا أحد يكلمني فالغضب يصاحبني و كأن أحبابي مسؤولون عمابي وحدتي علمتني أن أقف في الشرفات أحلم بيوم أخرج فيه للطرقات أحس الأيام تجري، تسرق مني سنيني هدي يا عمري هدي، أخشى من المشيب يا ترى أين خطابي؟ ومن سيدق بابي ضاق صدري ضاع فكري قلبي مل الإنتظار سن يأسي قريب و أنا أنتظر حبيب وأحلم بأسرة طفل- بنية أضمهم اوبخهم ننتظر والدهم لا أحد يكلمني فالغضب يحاصرني تمردت و مضيت أعاند القدر تبرجت تأنقت وخرجت أتمختر أمشي ببطىء فلعلي بحضي أتعثر في القلب دفىء غريب فهو ينتظر حبيب خوف وقلق يحاصرني هاهوذاشخص يقترب و فجأة دنا مني ترك قلبي مضطرب دفىء أنفاسه داعبني و أشعل فيا حريق همس رقيق سرقني من أرض الواقع ل
قراءة المزيد

برا، مابرا، المقبرة

-
  حكاية شعبية من تأليفي، كتبتها بالدارجة، مستوحاة من مثل شعبي عندنا في المنطقة، معنى المثل حقيقي لقصة حقيقية لا أعرف تفاصيلها، ولكن الوالد رحمه الله كان يحكينا كل مرة، عن شخص توفي وقاموا بقراءة الحرز الموجود تحت وسادته والجملة المذكورة في العنوان كانت مكتوبة فيه لذا قررت كتابة خرافة عن المثل لطلب من إبني، أثناء حملة قامت بها إحدى الجمعيات لجمع التراث اللامادي للمنطقة، قراءة ممتعة. من حكايات زمان، الي ما مثلها حتى فنان، وكان دايما يحكيها الوالد وهو فرحان، بنعمة العلم والمعرفة، ويقولي يا بنتي الخداع يقول :الله يكثر الطنوحه باش يعيشوا القافزين. ومين كان الجهل طاغي، كانوا الناس البسطاء، ضحية ساهلة للخداعين. كان في وحد الحومة ناس ڨلالين، وماشي متعلمين وبينهم واحد قافز وحرامي وقاري شوية، كانوا يشاوروه في كل شيء ويحل مشاكلهم ويسڨم أمورهم، وشوية شوية لبسوه عمامة وصار كبير الحومة، داع صيتو بين الناس الجاهلين وجاولو من كل مكان، تمكن منو الشيطان وغررو، زعزعو على طريقو، صار يروح للولية الصالحين ، بذبح الطيور ويقدمها قرابين، ويكتب الكتوب والحرز للمهمومين والمحسودين، يعطيها للناس تعلقها، باش تحميهم
قراءة المزيد